Saturday, July 24, 2021
No menu items!
Homeबातम्याआर्थिक / वित्तएसबीआय एटीएम व शाखेतून पैसे काढणे, चेकबुक घेणे झाले महाग - पहा...

एसबीआय एटीएम व शाखेतून पैसे काढणे, चेकबुक घेणे झाले महाग – पहा काय आहेत नवीन मर्यादा व शुल्क!

स्टेट बँक ऑफ इंडियाच्या (SBI) ग्राहकांसाठी मोठा अपडेट! भारतातील सर्वात मोठी बँक चार विनामूल्य रोख पैसे काढण्याच्या व्यवहारांनंतर होणाऱ्या वाढीव व्यवहारांसाठी अधिक पैसे घेण्यास तयार आहे. या व्यवहारांमध्ये एटीएम द्वारे रोख काढणे किंवा शाखेतून रोख काढणे समाविष्ट असेल. याशिवाय एसबीआय विनामूल्य बुकच्या मर्यादेपलीकडे धनादेश पुस्तिका घेण्यासाठी अधिक शुल्क आकारेल.

एसबीआयचे नियम बेसिक सेव्हिंग्ज बँक डिपॉझिट (BSBD) खात्यावर १ जुलै २०२१ पासून लागू होतील. याचा अर्थ एसबीआय ग्राहकांना रोख पैसे काढणे आणि चेक बुक मिळविण्यासाठी विनामूल्य मर्यादेपलीकडे आधीपेक्षा जास्त पैसे द्यावे लागतील, असे एसबीआयने एका सूचनेत म्हटले आहे.

तथापि, एसबीआय बेसिक सेव्हिंग्ज बँक डिपॉझिट (BSBD) खातेधारकांना ब्रँच चॅनेल आणि एटीएमवर विना-आर्थिक व्यवहारांसाठी अतिरिक्त पैसे द्यावे लागणार नाहीत. स्टेट बँकच्या सर्व शाखा व इतर बँकेच्या शाखेमध्ये गैर-आर्थिक व्यवहार करण्यासाठी एसबीआय बीएसबीडी खातेदारांचा कुठल्याहि प्रकारचे शुल्क द्यावे लागणार नाही आहे. एसबीआयने बेसिक सेव्हिंग्ज बँक डिपॉझिट अकाउंट्ससाठी सेवा शुल्कामध्ये सुधारणा करण्याची घोषणा केली आहे.

एसबीआय दररोज पैसे काढण्याची मर्यादा, एसबीआय एटीएम मधून पैसे काढण्याची मर्यादा, एसबीआय पैसे काढण्याचे शुल्क

स्टेट बँक ऑफ इंडियाच्या ग्राहकांकडून बँकेच्या शाखांमध्ये ४ मोफत रोख पैसे काढण्याच्या व्यवहारांपलीकडच्या व्यवहारांवर शुल्क आकारले जाईल. एसबीआय ग्राहकांना बँकेच्या शाखांमध्ये ४ मोफत रोख पैसे काढण्याच्या व्यवहारांपलीकडच्या व्यवहारांवर प्रतीव्यवहार रु. १५ अधिक वस्तू व सेवा कर (GST) एवढा शुल्क द्यावा लागेल, असे स्टेट बँक ऑफ इंडियाने सांगितले.

एटीएममध्येसुद्धा एसबीआय ग्राहकांना ४ मोफत रोख पैसे काढण्याच्या व्यवहारांपलीकडच्या व्यवहारांवर शुल्क आकारले जाईल. जर एसबीआयच्या एटीएमवर व्यवहार केले तर शुल्क १५ रुपये अधिक जीएसटी असेल. जर इतर बॅंकेच्या एटीएममधून रोख रक्कम काढली गेली असेल तर १५ रुपये अधिक जीएसटी आकारले जातील.

एसबीआय चेक बुक

एसबीआय ग्राहकांना प्रत्येक आर्थिक वर्षामध्ये प्रथम 10 चेक पाने विनामूल्य मिळतील. त्यानंतर, त्यांना 10-पानांच्या चेक बुकसाठी 40 रुपये अधिक जीएसटी देणे आवश्यक आहे. २५ पानांच्या चेक बुकसाठी एसबीआय ग्राहकांना 75 रुपये अधिक जीएसटी देणे आवश्यक आहे.

आणीबाणी चेक बुकसाठी एसबीआय ग्राहकांना 10 पाने किंवा त्यातील काही भागासाठी 50 रुपये अधिक जीएसटी आकारला जाईल. तथापि, एसबीआय कडून वरिष्ठ नागरिकांना दिलासा मिळाला आहे. ज्येष्ठ नागरिक ग्राहकांना या चेकबुक नियमातून सूट देण्यात आली आहे, असे स्टेट बँक ऑफ इंडियाने म्हटले आहे.

RELATED ARTICLES

Most Popular

Recent Comments